پاکستان میں آزادانہ، منصفانہ انتخابات کوی حمایت کرتے ہیں۔ امریکہ

واشنگٹن، امریکی محکمہ خارجہ کے ترجمان میتھیوملر نے کہا ہے کہ کئی بار کہہ چکے ہیں کسی رجیم چینج کو سپورٹ نہیں کرتے۔
نیوز بریفنگ میں میتھیو ملر نے کہا کہ پاکستان میں آزادانہ، منصفانہ انتخابات کو سپورٹ کرتے ہیں منصفانہ انتخابات کے علاوہ کوئی دوسری پوزیشن نہیں رکھتے۔
پی ٹی آئی امریکہ کی وائٹ ہاؤس کےسامنے احتجاجی ریلی پر سوال کے جواب میں انہوں نے کہا کہ امریکہ کا بڑا پن یہی ہے یہاں رہنے والے آئینی حق کا استعمال کرتے ہیں ہم پاکستان کو امریکہ کے قابل قدر پارٹنر کے طور پر دیکھتے ہیں۔انہوں نے کہا کہ پاکستان کے ساتھ متعدد ایشوز پر کام کرتے ہیں۔
ترجمان امریکی محکمہ خارجہ میتھیوملر نے پریس کانفرنس میں خالصتان سے متعلق سوالات کے جواب دینے سے گریز کیا۔
صحافی نے سوال کیا کہ کانگریس کی خاتون الہان عمرنے خالصتانی رہنما کےقتل پربریفنگ کی درخواست کی ہے، الہان عمرنےکہا معلوم کرنا ہے کیا ہندوستان امریکہ میں بھی ایسی کارروائیوں میں ملوث ہے۔
جس پر ترجمان امریکی محکمہ خارجہ نے کہا کہ مجھےاس بریفنگ سےمتعلق کوئی معلومات نہیں، اے آر وائی نیوز کے نمائندے نے سوال کیا کہ امریکہ کی خالصتان کے حوالےسے کیا پالیسی ہے تو میتھیوملر کا کہنا تھا کہ اس سوال پر میرے پاس تبصرہ کرنے کیلئے کچھ نہیں۔