کشمیر سے اگنیوروں کی پہلی کھیپ بھارتی فوج میں شامل

سری نگر، مرکز کے زیر انتظام جموں و کشمیر کی وادی کشمیر سے اگنیوروں کی پہلی کھیپ بدھ کو ہندوستانی فوج میں شامل ہوگئی۔فوجی حکام نے یہ اطلاع دی۔فوج نے کہا کہ اگنیوروں کے پہلے بیچ کی پاسنگ آؤٹ پریڈ منگل کو جموں و کشمیر لائٹ انفنٹری رجمنٹ (JAKLI) سنٹر سری نگر میں منعقد ہوئی۔نوجوان اگنیوروں کو آرمی ریکروٹنگ آفس (اے آر او) سری نگر کے ذریعے بھرتی کیا گیا جنہوں نے ایک شاندار تقریب میں پاسنگ آؤٹ پریڈ میں حصہ لیا۔اس تقریب میں اگنیوروں کے والدین بھی موجود تھے۔فوج کے سری نگر میں قائم چنار کور نے ٹویٹر پر لکھا، “بھارتی فوج کے JAKLI کا حصہ بننے والے کشمیر سے اگنیوروں کے پہلے بیچ کی پاسنگ آؤٹ پریڈ منگل کو JAKLI سری نگر میں منعقد کی گئی ہے۔”اگنیور کے والدین بھی اس قابل فخر لمحے کا تجربہ کرنے کے لیے موجود تھے۔