نئی دہلی، کانگریس نے اتوار کو چھتیس گڑھ اسمبلی انتخابات کے لیے 30 امیدواروں کی پہلی فہرست جاری کی، جس میں وزیر اعلی بھوپیش بگھیل، نائب وزیر اعلیٰ ٹی ایس سنگھ دیو، اسمبلی اسپیکر چرنداس مہنت اور ریاستی کانگریس صدر دیپک بیج شامل ہیں۔
کانگریس کی پہلی فہرست میں ریاست کے کچھ وزراء اور اہم لیڈروں کے نام شامل ہیں۔ مسٹر بگھیل پٹن اور مسٹر سنگھ دیو امبیکاپور سیٹ سے انتخاب لڑیں گے جبکہ مسٹر مہنت سکتی سے امیدوار ہوں گے۔ جبکہ شری بیج کو چترکوٹ (SU) سیٹ سے امیدوار بنایا گیا ہے۔ راج ناندگاؤں سیٹ پر کانگریس نے گریش دیوانگن کو سابق وزیر اعلیٰ ڈاکٹر رمن سنگھ کے خلاف میدان میں اتارا ہے۔
پہلی فہرست کے مطابق کانگریس نے چھ نئے چہروں پر دائو لگا دیا ہے جبکہ چھ ایم ایل اے ٹکٹ سے محروم ہو گئے ہیں۔ اس کے ساتھ ہی پارٹی نے چار خواتین کو اپنا امیدوار بنایا ہے جس میں دونڈیلوہارا (SU) سے انیلا بھیڈیا، خیر گڑھ سے یشودا ورما، ڈونگر گڑھ (SU) سے مسز ہرشیتا سوامی بگھیل اور بھانوپرتاپور (SU) سے ساوتری مانڈاوی الیکشن لڑیں گی۔
