فلم بھولا کا گانا، دل ہے بھولا، ریلیز

ممبئی،بالی ووڈ اداکار اجے دیوگن کی آنے والی فلم بھولا کا گانا ’دل ہے بھولا‘ریلیز ہو گیا ہے۔
اجے دیو گن ان دنوں اپنی آنے والی فلم بھولا کے سلسلے میں چرچا میں ہیں۔فلم بھولا کا نیا گانا ’دل ہے بھولا‘ریلیز کر دیا گیا ہے۔ دل ہے بھولا گانا امت مشرا نے گایا ہے اور ارشاد کامل نے اس کے بول لکھے ہیں، جب کہ گانے کو روی بسرور نے تیار کیا ہے۔
اجے دیو گن کی فلم ’بھولا‘ جنوبی یندوستانی فلم کیتھی کا ہندی ریمیک ہے۔ اس فلم میں اجے کے علاوہ تبو، گجراج راؤ،دیپک ڈوبریال جیسے معروف اداکار نظر آئیں گے۔فلم بھولا کی ہدایت کاری اجے دیوگن نے کی ہے۔ یہ فلم 30مارچ کو سنیما گھروں میں ریلیز ہوگی۔