ٹیلی کام، آٹو، آئی ٹی اور ٹیک گروپس میں خریداری کی وجہ سے مارکیٹ میں تیزی رہی۔

ممبئی، دنیا کے سب سے بڑے مرکزی بینک کے شرحوں میں اضافے کا طویل سلسلہ ختم ہونے کے قریب ہونے کے اشارے سے عالمی بازار سے تیزی سے پرجوش سرمایہ کاروں کی مقامی سطح پر سی ڈی ، فائنانشیل سروسز، آئی ٹی، ٹیلی کوم اور ٹیک سمیت دس گروپوں میں ہوئی خریداری سے اسٹاک مارکیٹ میں آج گیارہویں دن بھی تیزی رہی۔
بی ایس ای کا حساس انڈیکس سینسیکس 319.63 پوائنٹس کی چھلانگ لگا کر 67838.63 پوائنٹس اور نیشنل اسٹاک ایکسچینج (این ایس ای) کا نفٹی 89.25 پوائنٹس کے اضافے سے 20192.35 پوائنٹس تک پہنچ گیا۔ بڑی کمپنیوں کی طرح درمیانی اور چھوٹی کمپنیوں میں بھی خریداری ہوئی۔ اس کی وجہ سے مڈ کیپ 0.09 فیصد بڑھ کر 32,505.37 پوائنٹس اور اسمال کیپ 0.27 فیصد بڑھ کر 37,828.56 پوائنٹس پر پہنچ گئی۔
اس عرصے کے دوران بی ایس ای میں کل ملاکر 3786 کمپنیوں کے حصص میں کاروبار ہوا جن میں سے 1932 کے حصص میں خریداری 1701 فروخت ہوئی جبکہ 153 میں کوئی تبدیلی نہیں ہوئی۔ اسی طرح این ایس ای کی 32 کمپنیاں سبز جبکہ 18 سرخ نشان پر رہیں۔
بی ایس ای کے دس گروپوں میں تیزی کا رجحان رہا۔ اس دوران ٹیلی کام 1.67، آٹو 1.48، سی ڈی 0.61، فنانشل سروسز 0.63، ہیلتھ کیئر 0.37، انڈسٹریلس 0.12، آئی ٹی 0.76، بینکنگ 0.42، کنزیومر ڈیوربلز 0.41 اور ٹیک گروپ کے حصص میں 0.71 فیصد اضافہ رہا۔
غیر ملکی بازاروں کا رجحان مثبت رہا۔ اس دوران برطانیہ کے ایف ٹی ایس ای میں 0.62، جرمنی کے ڈی اے ایکس 0.97، جاپان کے نکئی 1.10 اور ہانگ کانگ کے ہینگ سینگ میں 0.75 فیصد اضافہ ہوا جبکہ چین کا شنگھائی کمپوزٹ 0.28 فیصد گر گیا۔