ممبئی: ملک کے مشہور صنعت کار، ریلائنس انڈسٹریز کے چیئرمین اور منیجنگ ڈائریکٹر مکیش دھیرو بھائی امبانی کو ایک بار پھر ای میل پر جان سے مارنے کی دھمکی ملی ہے۔ممبئی پولیس نے ہفتہ کو یہ اطلاع دی۔پولیس کے مطابق مسٹر امبانی کو اسی میل میں ایک ‘ریمائنڈر’ ملا ہے جس میں اس ہفتے کے شروع میں 400 کروڑ روپے کا مطالبہ کیا گیا تھا۔
پولیس کا کہنا ہے کہ اس بار دھمکی آمیز میل میں صنعتکار کو خبردار کیا گیا ہے کہ اگر اس نے سابقہ دھمکیوں کو نظر انداز کیا تو اسے سنگین نتائج بھگتنا ہوں گے۔
ممبئی پولیس نے کہا، “صنعت کار مکیش امبانی کو ایک بار پھر 31 اکتوبر اور 1 نومبر کے درمیان دو دھمکی آمیز ای میلز موصول ہوئیں، جس میں انہیں خبردار کیا گیا تھا کہ اگر وہ سابقہ ای میلز کو نظر انداز کرتے ہیں تو اسے سنگین نتائج بھگتنا ہوں گے۔” پولیس کے مطابق ای میل بھیجنے والے شخص نے پہلے 400 کروڑ روپے کا مطالبہ کیا تھا۔ پولیس اور ممبئی کرائم برانچ معاملے کی جانچ کر رہے ہیں۔
