وستارا نے گھریلو راستوں پر مسافروں کے لیے خصوصی تہوار سیلز مہم شروع کی

نئی دہلی، ٹاٹا گروپ کی ایئر لائن وسٹارا نے تہوار کے موسم کے پیش نظر منگل سے اپنے گھریلو نیٹ ورک پر تین دن کی فروخت کا اعلان کیا ہے۔یہ موقع اپریل تک کی پروازوں کے لیے ہے۔ایئر لائن کے ایک بیان کے مطابق، اس خصوصی سیلز پروگرام سیل میں، تینوں کیبن کلاسز یعنی اکانومی، پریمیم اکانومی اور بزنس کلاس میں کرایہ دیا گیا ہے۔
بیان کے مطابق، اس پروگرام میں یک طرفہ، تمام شامل گھریلو کرایے اکانومی کے لیے 1,999 روپے، پریمیم اکانومی کے لیے 2,799 روپے اور بزنس کلاس کے لیے 10,999 روپے سے شروع ہوتے ہیں۔
دیپک راجاوت، چیف کمرشل آفیسر، وستارا، نے کہا، “ہم اپنی خصوصی فروخت کے ساتھ تقریبات کا آغاز کرتے ہوئے بہت خوش ہیں، جس سے ہمارے صارفین کو رعایتی کرایوں پر ہندوستان کی بہترین ایئر لائن کے ساتھ پرواز کرنے کا موقع ملے گا۔”
وسٹارا نے کہا ہے کہ اس سے مسافروں کو اس تہوار کے موسم کے لیے اپنے آنے والے سفر کی منصوبہ بندی کرنے میں سہولت ہوگی۔ اس سیل کے تحت گھریلو بکنگ 7 نومبر 2023 کو 00:01 بجے سے شروع ہوکر 9 نومبر 2023 کو 23:59 بجے تک 72 گھنٹے کی مدت کے لیے دستیاب ہوگی۔ یہ پیشکش 7 نومبر 2023 اور اپریل کے درمیان سفر کے لیے موزوں ہے۔