نئی دہلی، وزیر اعظم نریندر مودی نے عوام سے درخواست کی ہے کہ وہ مقامی ٹیلنٹ کی حوصلہ افزائی کے لیے ڈیجیٹل میڈیا کا استعمال کریں اور ہندوستان کی کاروباری صلاحیت اور تخلیقی طاقت کا جشن منائیں۔مسٹر مودی نے بدھ کو سوشل میڈیا نیٹ ورک ‘X’ پر ایک لنک بھی شیئر کیا۔انہوں نے کہا ہے کہ جس کے ذریعے لوگ ‘NaMo’ ایپ پر مقامی مصنوعات یا اس کے مینوفیکچرر کے ساتھ سیلفیز پوسٹ کر سکتے ہیں۔
مسٹر مودی نے ٹوئٹر پر لکھا، ’’اس دیوالی، آئیے ہم نمو ایپ پر ’وکل فار لوکل‘ تھریڈ کے ساتھ ہندوستان کے کاروباری اور تخلیقی جذبے کا جشن منائیں۔وزیر اعظم نے اسی پوسٹ میں لکھا، “آئیے مقامی طور پر تیار کردہ مصنوعات خریدیں اور پھر نمو ایپ پر اس پروڈکٹ یا اس کے مینوفیکچرر کے ساتھ سیلفی پوسٹ کریں۔ اپنے دوستوں اور خاندان والوں کو اپنے تھریڈ میں شامل ہونے اور مثبتیت کے جذبے کو پھیلانے کی دعوت دیں۔
آئیے ڈیجیٹل میڈیا کی طاقت کا استعمال مقامی ٹیلنٹ کو سپورٹ کرنے، ساتھی ہندوستانیوں کی تخلیقی صلاحیتوں کی حوصلہ افزائی اور اپنی روایات کو بھرپور رکھنے کے لیے کریں۔قابل ذکر ہے کہ مودی حکومت چھوٹے کاروباری اداروں اور مقامی پروڈیوسروں کی مصنوعات کی حوصلہ افزائی کے لیے ایک مہم شروع کر رہی ہے۔ تاکہ روزگار اور آمدنی کے مواقع میں اضافہ ہو سکے۔ ’وکل فار لوکل‘ اور ’ون ڈسٹرکٹ، ایک پروڈکٹ‘ جیسے پروگرام اس کا حصہ ہیں۔
