18

فلم میں امریش پوری کی موجودگی ناظرین کو سنیماہال تک کھینچ لاتی تھی

ممبئی،بحیثیت ویلن فلم انڈسٹری میں امریش پوری نے جومقام حاصل کیا‘ وہ ان کی بہترین اداکاری اور سخت محنت کا نتیجہ تھا امریش پوری نے اپنے کیرئیرکا آغاز اسٹیج سے کیا کئی برسوں تک وہ اس سے جڑے رہے اس کے بعد انہیں فلموں میں کام کرنے کا موقع ملا۔
آہستہ آہستہ انہوں نے اپنی فنکارانہ صلاحیتوں سے لوگوں کو اپنی طرف متوجہ کیا۔
ابتدا میں مختصرسا رول اداکرنے والے اس شخص کے بارے میں کسی نے سوچا بھی نہیں ہوگا کہ وہ ایک دن شہرت کی بلندیوں کو چھولے گا اور ایک منجھے ہوئے اداکار کی شکل میں اپنی شناخت کرائے گا۔
اسٹیج سے اپنی اداکاری کا سفر شروع کرنے والے امریش پوری نے اپنی ایسی امیج بنائی کہ فلم میں ان کی موجودگی ناظرین کو سنیماہال تک کھینچ لے جاتی تھی۔
بلندآواز‘ پرکشش شخصیت اور مکالموں کی بہترین انداز میں ادائیگی ‘چہرے کی سختی اور آنکھوں کے خوف کے سبب وہ ایک عرصہ تک بالی ووڈ میں بطور کھلنائک بے تاج بادشاہ بنے رہے۔
’’مُگیمبو خوش ہوا’’………….یہ الفاظ آج بھی لوگوں کے ذہن میں گونج رہے ہیں۔
فلم انڈسٹری میں امریش پوری نے مگمیبو کے مشکل ترین کردار کو جس خوبی سے نبھایا ‘وہ ان کی بہترین اداکاری‘بلند قامت‘بھاری بھرکم شخصیت ‘پاٹ دار آواز کی دین تھا۔
بغیرامریش پوری مسٹر انڈیاکا تصور بھی نہیں کیا جاسکتا۔
ان کے اندر فن کارانہ صلاحیتیں کوٹ کوٹ کربھری ہوئی تھیں۔
جو رول بھی انہیں ملا‘اپنی لاجواب اور بہترین اداکاری کے ذریعہ انہوں نے اسے امر بنادیا۔

اس خبر پر اپنی رائے کا اظہار کریں

اپنا تبصرہ بھیجیں