خاتون کانسٹیبل پر حملہ کرنے والا پولیس تصادم میں مارا گیا، دو گرفتار

ایودھیا، اتر پردیش پولس کی اسپیشل ٹاسک فورس (ایس ٹی ایف) نے گزشتہ مہینے سریو ایکسپریس پر خاتون ہیڈ کانسٹیبل کی پٹائی کرکے زخمی کرنے والے انعامی مجرم کو ایک مسلح تصادم کے بعد مار اگیا جب کہ دو دیگر زخمیوں کر پکڑ لیا گیا۔ اس تصادم میں ایک پولیس اہلکار زخمی بھی ہوا ہے۔
سینئر سپرنٹنڈنٹ آف پولیس راج کرن نیر نے جمعہ کو صحافیوں کو بتایا کہ 29-30 اگست کی رات ساون میلے کے دوران کچھ بدمعاشوں نے ایک خاتون ہیڈ کانسٹیبل کے ساتھ مار پیٹ کی جس اسے وہ زخمی ہوگئی تھی۔ اس معاملے میں پولیس نے مختلف فوجداری دفعات کے تحت مقدمہ درج کر کے بدمعاشوں کی تلاش شروع کر دی تھی۔
اسی سلسلے میں ایک اطلاع کی بنیاد پر ایس ٹی ایف اور مقامی پولیس نے عنایت نگر علاقہ میں بدمعاشوں کی گھیرابندی کی اور انہیں خودسپردگی کرنے کی تنبیہ کی جسے نظر انداز کرتے ہوئے بدمعاشوں نے پولیس ٹیم پر فائرنگ کرکے فرار ہونے کی کوشش کی، پولیس کی جوابی کارروائی میں دو مجرم آزاد اور وشمبھر دیال کوگولی لگنے سے وشمبھر دیال زخمی ہو گئے لیکن اہم ملزم انیس خان پولیس کو چکمہ دے کر فرار ہو گیا۔
پولیس نے اس کا پیچھا کیا اور پورا قلندر کے علاقے میں اسے ایک بار پھرخود سپردگی کرنے کو کہا لیکن بدمعاشوں نے پولیس ٹیم پر فائرنگ شروع کردی۔ جوابی کارروائی میں بدمعاش کو گولی لگی۔ انیس کو ضلع اسپتال لے جایا گیا جہاں ڈاکٹروں نے اسے مردہ قرار دے دیا۔ اس واقعہ میں ایک پولیس اہلکار زخمی بھی ہوا ہے۔ تمام زخمیوں کو ضلع اسپتال میں داخل کرایا گیا ہے جہاں ان کی حالت مستحکم ہے۔