اسٹاک مارکیٹ میں چوتھے دن بھی گراوٹ کا سلسلہ جاری

ممبئی، عالمی بازار کے ملے جلے رجحان کے درمیان، مقامی سطح پر ہیلتھ کیئرکموڈیٹیز، کنزیومر ڈیوربل اور ریئلٹی سمیت 14 گروپوں میں ہونے والی فروخت سے اسٹاک مارکیٹ آج مسلسل چوتھے دن گراوٹ کا شکار رہی۔
بی ایس ای کا حساس انڈیکس سینسیکس 221.09 پوائنٹس گر کر 66009.15 پوائنٹس اور نیشنل اسٹاک ایکسچینج (این ایس ای) کا نفٹی 68.10 پوائنٹس گر کر 19674.25 پوائنٹس پر آگیا۔ بی ایس ای کی بڑی کمپنیوں کی طرح درمیانی کمپنیوں میں فروخت کا دباؤ رہا لیکن چھوٹی کمپنیوں میں خریداری ہوئی۔ اس سے مڈ کیپ 0.14 فیصد گر کر 31948.76 پوائنٹس پر آگیا جب کہ اسمال کیپ 0.04 فیصد بڑھ کر 37057.48 پوائنٹس پر پہنچ گیا۔
اس دوران بی ایس ای میں کل 3781 کمپنیوں کے حصص میں کاروبار ہوا، جن میں سے 1857 میں گراوٹ، 1777 میں تیزی رہی وہیں 147 میں کوئی تبدیلی نہیں ہوئی۔ اسی طرح نفٹی کی 30 کمپنیاں فروخت کے دباؤ میں تھیں جبکہ باقی 20 کو خریداری ہوئی۔
بی ایس ای 14 گروپس میں گراوٹ کا رجحان رہا۔ اس دوران ہیلتھ کیئر 1.30، کموڈٹیز 0.62، انرجی 0.23، ایف ایم سی جی 0.16، فنانشل سروسز 0.17، آئی ٹی 0.10، یوٹیلٹیز 0.24، کنزیومر ڈیوربلز 0.84، میٹل 0.42، آئل اینڈ گیس 0.45، پاور 0.27، ریئلٹی 0.73، ٹیک 0.12 اورسروسز گروپ کے شیئر 0.40 فیصد گرے۔
عالمی منڈی میں ملا جلا رجحان رہا۔ جس کی وجہ سے برطانیہ کا ایف ٹی ایس ای 0.58، ہانگ کانگ کا ہینگ سینگ 2.28 اور چین کا شنگھائی کمپوزٹ 1.55 فیصد کی تیزی پر رہا جبکہ جرمنی کا ڈی اے ایکس 0.10 اور جاپان کا نکئی 0.52 فیصد گر گیا۔