کشی نگر، اتر پردیش کے کشی نگر ضلع میں سرکاری اطلاعات کے مطابق 141 گائیں لمپی وائرس سے متاثر ہیں جبکہ اب تک 14 گائیں مر چکی ہیں۔
مویشیوں میں لمپی وائرس کے بڑھتے ہوئے انفیکشن کے پیش نظر ضلع کے چیف ڈیولپمنٹ آفیسر گنجن دویدی نے کل محکمہ مویشی پروری کے اہلکاروں کی میٹنگ کی جس میں اس بیماری سے بچاؤ کے لیے فوری اقدامات کرنے پر زور دیا گیا اور بڑے پیمانے پر بچاؤ کا کام شروع کردیاگیا ہے۔ ضلع کی سرحدیں سیل کردی گئی ہیں۔ حکومت کی طرف سے خصوصی اپیل کی گئی ہے کہ اس کا خاص خیال رکھا جائے کہ یہاں سے نہ تو کوئی جانور باہر جائے اور نہ ہی باہر سے کوئی جانور ضلع میں آئے۔
وہیں تین سو سے زائد مویشی اصل لمپی وائرس سے متاثر ہیں ۔ بلاک سطح پر 14 سرویلانس ٹیمیں تشکیل دی گئی ہیں۔ جو اپنے علاقے کے گاؤں کا دورہ کرے گی اور لمپی وائرس سے متاثرہ جانوروں کا علاج کرے گی۔ جو میڈیکل آفیسر کی قیادت میں کام کر رہے ہیں۔ اس کے علاوہ تین موبائل ویٹرنری ایمبولینسیں بھی چلائی جارہی ہیں۔
اس وقت کشی نگر ضلع میں 1,65,224 مویشی ہیں۔ لمپی وائرس کے بڑھتے ہوئے انفیکشن کے پیش نظر جانوروں کی ویکسینیشن پر زور دیا جا رہا ہے۔ اس وائرس کے خلاف کل 1,40,440 مویشیوں کی ٹیکہ کاری کا ہدف تھا۔ اس کے لیے ویکسین کی 1.40 لاکھ خوراکیں موصول ہوئیں۔ ان میں سے 1,16,300 مویشیوں کو ٹیکے لگائے گئے ہیں۔
.
محکمہ کے مطابق ضلع کے 256 گاؤوں میں اب تک 1076 مویشی اس مہلک بیماری کا شکار ہو چکے ہیں۔ ویکسینیشن اور علاج کے ذریعے 921 جانوروں کی جانیں بچائی جا چکی ہیں جبکہ 141 جانور اب بھی اس خطرناک بیماری کا شکار ہیں۔ اس کے علاوہ 14 جانور مر چکے ہیں۔ اس کے پیش نظر حکومت کی ہدایت پر بہار سے متصل ضلع اور دیگر اضلاع کی سرحدوں کو سیل کر دیا گیا ہے۔ سخت چوکسی رکھنے کی ہدایات دی گئی ہیں۔
ہفتہ کو جب ضلع کے کچھ کانہا اینیمل شیلٹر وں کی ویکسینیشن کی صورتحال کی جانچ کی گئی تو وہاں ویکسینیشن کی صورتحال ٹھیک پائی گئی۔ ہاٹاکے کانہا اینیمل شیلٹر میں کل 40 مویشی رکھے گئے ہیں۔ لمپی بیماری کے پیش نظر یہاں رکھے گئے تمام مویشیوں کی ٹیکہ کاری کی گئی ہے۔ اسے ہاٹا میونسپلٹی چلاتی ہے۔ اینیمل شیلٹر سنٹر کے نگراں ابھیشیک کشواہا نے بتایا کہ حکومت سے موصولہ ہدایات اور ایگزیکٹو آفیسر اجے کمار سنگھ کے حکم پر کسی بھی باہر کے جانور کے داخلے پر روک لگا دی گئی ہے۔ لمپی بیماری کے پیش نظر جانوروں کا باقاعدگی سے معائنہ کیا جا رہا ہے۔ ابھی تک اس اینیمل شیلٹر کے کسی مویشی میں لمپی بیماری کی علامات نہیں پائی گئیں۔
کپتان گنج نگر پنچایت کے کانہا اینیمل شیلٹر میں ہفتہ کی دوپہر ایک بجے 31 جانور پائے گئے۔ رام بہادر، سورستی دیوی اور راجندر اینیمل شیلٹر سنٹر میں ڈیوٹی پر تھے، جو مویشیوں کی دیکھ بھال کرتے پائے گئے۔ ویٹرنری آفیسر ڈاکٹر ایشانت آنند نے بتایا کہ اس مرکز میں 31 مویشی ہیں۔ لمپی بیماری کے امکان کے پیش نظر تمام مویشیوں کو ویکسین لگا دی گئی ہے۔ شیلٹر کی صفائی اور فوگنگ بھی کی گئی ہے۔ ابھی تک کوئی جانور لمپی کی بیماری میں مبتلا نہیں ہوا ہے۔
22
