مہا کمبھ نگر: اقتصادی ماہرین کا خیال ہے کہ 45 دن کے مہا کمبھ کے دوران کاروبار نہ صرف روزگار اور منافع میں اضافہ کا باعث بنے گا بلکہ اس سے اتر پردیش کی جی ڈی پی میں ایک فیصد یا اس سے زیادہ کا اضافہ ہوگا۔ ماہرین کا یہ بھی کہنا ہے کہ دنیا بھر سے آنے والے عقیدت مندوں کی جانب سے کیے جانے والے اخراجات سے طلب بڑھے گی، پیداوار بڑھے گی، روزگار بڑھے گا اور چھوٹے بڑے تاجروں کی جیبوں میں پیسہ آئے گا۔ یہی نہیں، حکومت کو اس تقریب سے بھاری آمدنی بھی ملے گی، جس کا استعمال ریاست کے بنیادی ڈھانچے میں کیا جائے گا اور جی ایس ٹی کی وصولی میں بھی زبردست اضافہ ہوگا۔
