ممبئی: تجارتی جنگ کے خدشات کے درمیان ریزرو بینک آف انڈیا (آر بی آئی) کی دو ماہی مانیٹری پالیسی جائزہ میٹنگ سے قبل بھاری فروخت کی وجہ سے اسٹاک مارکیٹ آج مسلسل دوسرے دن نیچے بند ہوا۔ 30 شیئرز پر مشتمل بی ایس ای کا حساس انڈیکس سینسیکس 213.12 پوائنٹس گر کر 78,058.16 پوائنٹس اور نیشنل اسٹاک ایکسچینج (این ایس ای) نفٹی 92.95 پوائنٹس گر کر 23,603.35 پوائنٹس پر آگیا۔ تاہم، بڑی کمپنیوں کے برعکس، بی ایس ای کی مڈ کیپ اور سمال کیپ کمپنیوں کے حصص میں ملا جلا رجحان دیکھا گیا۔ اس کی وجہ سے مڈ کیپ 0.87 فیصد گر کر 42,995.25 پوائنٹس پر آگیا جبکہ سمال کیپ 50,505.49 پوائنٹس پر فلیٹ رہا۔ اس عرصے کے دوران بی ایس ای پر کل 4063 کمپنیوں کے حصص کا کاروبار ہوا جن میں سے 2030 فروخت اور 1908 خریدے گئے جبکہ 125 میں کوئی تبدیلی نہیں ہوئی۔ اسی طرح 30 نفٹی کمپنیوں میں کمی دیکھی گئی جبکہ 21 میں اضافہ دیکھا گیا۔
