نئی دہلی: دہلی کے عوام نے تقریباً 27 سال کے طویل وقفے کے بعد ایک بار پھر اقتدار بھارتیہ جنتا پارٹی (بی جے پی) کو سونپ دیا ہے۔ ہفتہ کو ہونے والے 70 رکنی دہلی اسمبلی انتخابات کے ووٹوں کی گنتی میں بی جے پی کو 48 سیٹیں ملتی نظر آرہی ہیں۔ حکمراں عام آدمی پارٹی (اے اے پی) 22 سیٹوں پر آگے ہے۔ کانگریس کو ایک بھی سیٹ نہیں ملی ہے۔ بی جے پی نے 27 سال بعد دہلی اسمبلی انتخابات میں زبردست اکثریت حاصل کرکے اپنا جھنڈا بلند کیا ہے اور دہلی کے عوام نے پچھلی تین بار کی AAP حکومت کو مسترد کردیا ہے۔ آپ کے کنوینر اور سابق وزیر اعلی اروند کیجریوال اور سابق نائب وزیر اعلی منیش سسودیا، درگیش پاٹھک اور سوربھ بھاردواج سمیت کئی بڑے لیڈر الیکشن ہار گئے۔ پارٹی کے بڑے چہروں میں سے صرف وزیر اعلیٰ آتشی ہی اپنی سیٹ بچانے میں کامیاب ہو پائے ہیں۔ دہلی میں 5 فروری کو ووٹنگ ہوئی تھی۔
