امیٹھی: قیاس آرائیاں تیز ہو گئی ہیں کہ کانگریس کے سابق صدر اور وایناڈ کے ایم پی راہل گاندھی اتر پردیش کے امیٹھی لوک سبھا حلقہ سے الیکشن لڑیں گے۔
دراصل، گاندھی خاندان کے وکیل کے سی کوشک اور سونیا گاندھی کے نمائندے کشوری لال شرما یہاں کانگریس کے دفتر پہنچے ہیں۔ بتایا جا رہا ہے کہ مسٹر کوشک راہل گاندھی کی نامزدگی کے عمل کو مکمل کرنے میں مصروف ہیں۔ وہیں کے ایل شرما کانگریس لیڈروں سے ملاقات کر رہے ہیں۔
ذرائع کا دعویٰ ہے کہ مسٹر راہل گاندھی کے نام پر کاغذات نامزدگی جلد ہی خریدے جائیں گے۔ کل یعنی جمعہ کو ایک بجے راہل گاندھی کے پرچہ نامزدگی داخل کرنے کی بات ہے۔

یہاں 20 مئی کو پانچویں مرحلے میں ووٹنگ ہوگی۔ نامزدگی کی آخری تاریخ 3 مئی مقرر کی گئی ہے۔ نامزدگی کے لیے صرف 24 گھنٹے رہ گئے ہیں۔ ابھی تک کانگریس امیدوار کے نام کا اعلان نہیں کیا گیا ہے۔ بات ہے کہ راہل گاندھی امیٹھی سے الیکشن لڑیں گے لیکن اس کا باضابطہ اعلان ابھی نہیں ہوا ہے۔
کشوری لال شرما نے کہا، ’’ہم سب کا ایک ہی مطالبہ ہے کہ صرف گاندھی خاندان کے افراد ہی الیکشن لڑیں۔ تاہم اس کا فیصلہ پارٹی ہائی کمان کرے گی۔ ان کا جو بھی حکم ہو گا وہ صرف گاندھی خاندان کے لیے ہو رہا ہے، امیٹھی کے کارکنان کا مطالبہ ہے کہ امیٹھی سے الیکشن لڑیں ہم سب کے لیے تیار ہیں۔