لندن میں آسٹریلیا کے ساتھ وائٹ بال سیریز کے لیے ٹیم میں منتخب نہ ہونے پر انگلینڈ کے آل راؤنڈر معین علی نے انٹرنیشنل کرکٹ کے تمام فارمیٹس کو خیرباد کہہ دیا۔ معین نے ڈیلی میل کو انٹرویو دیتے ہوئے کہا کہ میری عمر 37 سال ہے اور مجھے آسٹریلیا کے ساتھ وائٹ بال سیریز کے لیے منتخب نہیں کیا گیا۔ میں نے انگلینڈ کے لیے کافی کرکٹ کھیلی ہے اور اب اگلی نسل کے لیے وقت آ گیا ہے، جیسا کہ مجھے بتایا گیا تھا۔ میں نے محسوس کیا کہ یہ اپنا حصہ ختم کرنے کا صحیح وقت ہے۔
