لکھنؤ: اترپردیش میں مرکزی تفتیشی بیورو (سی بی آئی) کی خصوصی عدالت نے بدھ کو پرتاپ گڑھ پولیس افسر ضیاء الحق کے قتل کے 11 سال پرانے معاملے میں دس لوگوں کو عمر قید کی سزا سنائی۔ سال 2013 میں سی بی آئی کے خصوصی جج دھیریندر کمار کی عدالت نے پھول چند یادو، پون یادو، منجیت یادو، گھنشیام سروج رام لکھن، چھوٹے لال یادو، رام آسرے، منا لال پٹیل، شیو رام پاسی اور جگت بہادر پال عرف بلے پال کو مجرم قرار دیا تھا۔ انڈین پینل کوڈ کی دفعہ 147، 149، 323، 353، 332، 302 اور آرمز ایکٹ کے تحت ہنگامہ آرائی، کسی سرکاری ملازم کو اپنی ڈیوٹی ادا کرنے سے روکنے، حملہ اور قتل کا مجرم قرار دیا گیا۔ آج ان سب کو عمر قید کی سزا سنائی گئی۔
