ناگپور: ودربھ نے فائنل میچ میں رنز کا پہاڑ کھڑا کرتے ہوئے کیرالہ کو شکست دی اور اتوار کو پہلی اننگز کی برتری کی بنیاد پر رنجی ٹرافی کا خطاب جیت لیا۔ کیرالہ اور ودربھ کے درمیان ناگپور میں کھیلا گیا فائنل میچ پانچویں دن برابری پر ختم ہوا۔ ودربھ نے کیرالہ پر پہلی اننگز کی برتری کی بنیاد پر جیت حاصل کی اور اس گھریلو ٹورنامنٹ کی چیمپئن بن گئی۔ ودربھ نے تیسری بار رنجی ٹائٹل جیتا ہے۔ اس سے قبل انہوں نے 2017-18 اور 2018-19 میں ٹائٹل جیتا تھا۔ ودربھ کے دانش ملیور کو ان کی شاندار کارکردگی کے لیے 'پلیئر آف دی میچ' سے نوازا گیا۔ جبکہ ودربھ کے ہرش دوبے کو 'پلیئر آف دی سیریز' کا ایوارڈ ملا۔
