ممبئی: امریکہ کی طرف سے میکسیکو، کینیڈا اور چین پر ٹیرف لگانے کے بعد عالمی منڈیوں میں گراوٹ کے دباؤ میں مقامی سطح پر بجاج فنسر، ایچ سی ایل ٹیک، ماروتی، ریلائنس، ٹاٹا موٹرز اور این ٹی پی سی سمیت 18 بڑی کمپنیوں میں فروخت کی وجہ سے سینسیکس آج نو ماہ بعد 73,000 پوائنٹس سے نیچے بند ہوا۔
30 شیئرز پر مشتمل بی ایس ای کا حساس انڈیکس سینسیکس 96.01 پوائنٹس گر کر 72,989.93 پوائنٹس پر آگیا، جو نو ماہ کے بعد 73 ہزار پوائنٹس کے نفسیاتی نشان سے نیچے ہے۔ اس سے قبل 04 جون 2024 کو یہ 72,079.05 پوائنٹس پر تھا۔ اسی طرح نیشنل اسٹاک ایکسچینج (این ایس ای) کا نفٹی 36.65 پوائنٹس گر کر 22,082.65 پوائنٹس پر آگیا۔ تاہم، بڑی کمپنیوں کے برعکس، بی ایس ای کی مڈ کیپ اور سمال کیپ کمپنیوں کے حصص میں خرید و فروخت ہوئی، جس نے بازار کو سہارا دیا۔ مڈ کیپ 0.08 فیصد بڑھ کر 38,721.96 پوائنٹس اور سمال کیپ 1.28 فیصد بڑھ کر 43,325.88 پوائنٹس پر پہنچ گیا۔
اس عرصے کے دوران بی ایس ای پر کل 4086 کمپنیوں کے حصص کا کاروبار ہوا، جن میں سے 2221 خریدے گئے، 1737 فروخت ہوئے، جب کہ 128 میں کوئی تبدیلی نہیں ہوئی۔ اسی طرح نفٹی میں 22 میں اضافہ ہوا جبکہ 28 میں گرا۔
