سیئول: جنوبی کوریا کے قائم مقام وزیر دفاع کم سون ہو نے جمعرات کو کہا کہ دارالحکومت سیول کے شمال میں واقع پوچیون شہر میں جاری فوجی مشق کے دوران حادثاتی طور پر ایک بم شہری علاقے پر گرنے کے بعد فوجی مشقیں روک دی گئی ہیں۔ اس معاملے کی تحقیقات مکمل ہونے تک فوجی مشقیں معطل رہیں گی۔ نیوز ایجنسی یونہاپ نے یہ اطلاع دی۔ موصولہ اطلاعات کے مطابق، دو KF-16 جیٹ طیاروں نے مبینہ طور پر سیول سے 26 میل دور تربیتی رینج کے باہر کل آٹھ MK-82 بم گرائے، جن میں سے ایک حادثاتی طور پر نوگوک گاؤں میں گرا۔ بم سے پانچ مکانات کو نقصان پہنچا اور کم از کم 15 افراد زخمی ہوئے۔ اس کے علاوہ ایک گودام، ایک چرچ، ایک گرین ہاؤس اور ایک ٹرک کو بھی نقصان پہنچا
