نئی دہلی: انڈین فارن سروس (IFS) کے ایک افسر کی جمعہ کی صبح پراسرار حالات میں دارالحکومت کے پوش چانکیہ پوری علاقے میں ایک کثیر المنزلہ عمارت سے گرنے سے موت ہو گئی۔
پولیس نے یہ جانکاری دیتے ہوئے کہا کہ معاملے کی مختلف زاویوں سے جانچ کی جا رہی ہے۔
وزارت خارجہ نے ہلاک ہونے والے افسر کے اہل خانہ سے تعزیت کا اظہار کیا ہے اور انہیں ہر ممکن مدد کی یقین دہانی کرائی ہے۔
دہلی پولیس حکام نے کہا کہ آئی ایف ایس افسر جتیندر راوت کی موت کے واقعہ کی مختلف زاویوں سے جانچ کی جا رہی ہے۔
پولیس کے مطابق جائے وقوعہ سے کوئی خودکشی نوٹ نہیں ملا ہے۔ بتایا جا رہا ہے کہ افسر راوت کچھ وقت سے پریشان تھے۔
دریں اثنا، وزارت خارجہ نے اپنے افسر کے سوگوار خاندان سے ان کی موت پر تعزیت کا اظہار کیا ہے۔ وزارت نے ایک بیان میں کہا، "وزارت خارجہ کے ایک اہلکار کا 07 مارچ کی صبح نئی دہلی میں انتقال ہو گیا۔" بیان میں کہا گیا، "وزارت خاندان کو ہر ممکن مدد فراہم کر رہی ہے اور دہلی پولیس کے ساتھ رابطے میں ہے۔" وزارت دکھ اور مشکل کی اس گھڑی میں خاندان کے ساتھ کھڑی ہے۔
وزارت خارجہ نے افسر کے بارے میں کوئی تفصیلات جاری نہیں کیں اور کہا کہ ’’غم کے اس وقت میں خاندان کی رازداری کا احترام کرنے کی ضرورت کو دیکھتے ہوئے مزید تفصیلات جاری نہیں کی جا رہی ہیں۔‘‘
