فلم سکندر کے ایک گانے میں سلمان خان 500 سے زائد ڈانسرز کے ساتھ نظر آئیں گے

۔

ممبئی: بالی ووڈ کے دبنگ اسٹار سلمان خان اپنی آنے والی فلم سکندر کے ایک گانے میں 500 سے زائد ڈانسرز کے ساتھ نظر آسکتے ہیں۔
سلمان خان کی فلم 'سکندر' اس سال کی سب سے زیادہ انتظار کی جانے والی فلموں میں سے ایک ہے۔ فلم 'سکندر' کے ہدایت کار اے۔ آر اسے مروگاداس نے ڈائریکٹ کیا ہے جبکہ اسے ساجد ناڈیاڈوالا پروڈیوس کررہے ہیں۔ اس فلم کا پہلا گانا زہرہ جبین حال ہی میں ریلیز ہوا ہے۔ کہا جا رہا ہے کہ زہرہ جبین کے بعد اب میکرز فلم میں ایک اور دھماکہ خیز گانا شامل کرنے جا رہے ہیں۔ کہا جا رہا ہے کہ اس گانے کو بہت بڑے لیول پر شوٹ کیا گیا ہے جس کے لیے ترکی سے 500 سے زائد تربیت یافتہ رقاصوں کو بلایا گیا ہے۔ یہ گانا بہت ہی شاندار ہونے جا رہا ہے جو فلم کا آخری گانا ہو گا۔
کہا جا رہا ہے کہ اس گانے کی شوٹنگ مکمل ہو چکی ہے۔ اس گانے میں کچھ بہت ہی شاندار ویژول کا استعمال کیا گیا ہے اس گانے میں حیرت انگیز کوریوگرافی بھی دیکھنے کو ملے گی۔ توقع ہے کہ اتنے بڑے پیمانے پر فلمایا گیا آخری گانا ناظرین کو رقص کرنے پر مجبور کر دے گا۔
قابل ذکر ہے کہ سلمان خان آنے والی عید پر 'سکندر' کے ساتھ بڑے پردے پر واپس آ رہے ہیں۔ فلم میں رشمیکا مندنا اور کاجل اگروال بھی مرکزی کردار ادا کر رہی ہیں۔