رائے پور: چھتیس گڑھ میں ایک اہم پیش رفت میں ایک طرف ممنوعہ نکسلی تنظیم نے ایک بار پھر ریاستی حکومت کے ساتھ امن مذاکرات کی تجویز پیش کی ہے، وہیں دوسری طرف بھارتیہ جنتا پارٹی کی قیادت والی حکومت نے مثبت ردعمل ظاہر کرتے ہوئے کہا ہے کہ حکومت نکسلیوں سے بات چیت کے لیے تیار ہے۔
جمعرات کو اپنے رہائشی دفتر میں منعقدہ پریس کانفرنس میں نکسلائٹس کے شمال مغربی سب زونل بیورو کے انچارج 'روپیش' کے جاری کردہ پریس نوٹ پر ردعمل ظاہر کرتے ہوئے ریاست کے نائب وزیر اعلیٰ، جن کے پاس محکمہ داخلہ کا چارج بھی ہے، وجے شرما نے کہا کہ حکومت نکسلیوں کے ساتھ بات چیت کے لیے تیار ہے۔ انہوں نے کہا، "حکومت کی نکسلیوں کی باز آبادکاری کے لیے ایک واضح اور موثر پالیسی ہے، انہوں نے نکسلیوں سے ہتھیار چھوڑنے اور آگے آنے اور بات چیت کا راستہ اختیار کرنے کی بھی اپیل کی۔"
مسٹر شرما نے کہا، "اگر ایک شخص بھی بات چیت کے لیے تیار ہے تو حکومت بھی تیار ہے۔ چھوٹا گروپ ہو یا بڑا، حکومت ہر سطح پر بات چیت کے لیے تیار ہے۔" انہوں نے یہ بھی واضح کیا کہ یہ پہل وزیر اعظم نریندر مودی، مرکزی وزیر داخلہ امت شاہ اور وزیر اعلیٰ وشنو دیو سائی کی رہنمائی میں کی جا رہی ہے۔
