یروشلم: اسرائیل کی خفیہ ایجنسی موساد کے 250 سے زائد سابق افسران نے حکومت کو ایک مشترکہ خط جاری کیا ہے جس میں غزہ میں جاری تنازع کے خاتمے اور اسرائیلی شہریوں کی رہائی کو یقینی بنانے کا مطالبہ کیا گیا ہے۔ اس خط پر انٹیلی جنس سروس (موساد) کے 12 سے زائد اعلیٰ عہدیداروں کے بھی دستخط ہیں، جن میں موساد کے تین سابق سربراہان ڈینی یاٹوم، افریم حلوی اور تمیر پارڈو شامل ہیں۔ موساد کے ان سابق افسروں نے اپنے بیان میں کہا، "جاری لڑائی یرغمالیوں اور ہمارے فوجیوں کی زندگیوں کو خطرے میں ڈال رہی ہے۔ مصائب کے خاتمے کے لیے ہر ممکن کوشش کی جانی چاہیے۔ ہم حکومت پر زور دیتے ہیں کہ وہ جرات مندانہ فیصلے لے اور ملک کی حفاظت کے لیے ذمہ داری سے کام کرے۔"
