ممبئی: امریکہ اور چین کے درمیان بڑھتے ہوئے تجارتی تناؤ کی وجہ سے عالمی منڈیوں میں گراوٹ کے باوجود مقامی سطح پر توانائی، ٹیلی کام، بینکنگ اور تیل و گیس سمیت سترہ شعبوں میں خریداری کی وجہ سے اسٹاک مارکیٹ آج مسلسل تیسرے دن اضافے کے ساتھ بند ہوئی۔ 30 شیئرز پر مشتمل بی ایس ای کا حساس انڈیکس سینسیکس 309.40 پوائنٹس چھلانگ لگا کر 77 ہزار پوائنٹس کے نفسیاتی نشان کو عبور کر کے نو تجارتی سیشنوں کے بعد 77,044.29 پوائنٹس تک پہنچ گیا، جبکہ نیشنل اسٹاک ایکسچینج (این ایس ای) نفٹی 108.65 پوائنٹس کے اضافے سے 23437 پوائنٹس تک پہنچ گیا۔ بی ایس ای کی بڑی کمپنیوں کے ساتھ ساتھ مڈ کیپ اور چھوٹی کمپنیوں کے حصص میں بھی خرید و فروخت ہوئی۔ اس کی وجہ سے مڈ کیپ 0.62 فیصد مضبوط ہو کر 41,746.22 پوائنٹس اور سمال کیپ 0.91 فیصد اضافے کے ساتھ 47,698.35 پوائنٹس پر پہنچ گیا۔
