ممبئی: غیر ملکی ادارہ جاتی سرمایہ کاروں (FIIs) کی مسلسل سرمایہ کاری کے بہاؤ اور کمپنیوں کے توقع سے بہتر سہ ماہی نتائج کی وجہ سے اسٹاک مارکیٹ میں آج ابتدائی تجارت میں اضافہ دیکھا گیا۔
30 شیئرز پر مشتمل بی ایس ای کا حساس انڈیکس سینسیکس 780.09 پوائنٹس یا 0.99 فیصد چھلانگ لگا کر تقریباً ساڑھے تین ماہ کی بلند ترین سطح پر پہنچ گیا اور 79 ہزار پوائنٹس کے نفسیاتی نشان سے آگے بڑھ کر 79,333.29 پوائنٹ تک پہنچ گیا۔ اسی طرح نیشنل اسٹاک ایکسچینج (این ایس ای) کا نفٹی 239.85 پوائنٹس یا 1.01 پوائنٹس چھلانگ لگا کر 24 ہزار پوائنٹس کے نفسیاتی نشان کو عبور کر کے 24,091.50 پوائنٹس تک پہنچ گیا۔
جیسے ہی کاروبار شروع ہوا، سینسیکس 350 پوائنٹس کے مضبوط اضافے کے ساتھ 78,903.09 پوائنٹس پر کھلا اور خبر لکھے جانے تک یہ 78,776.06 پوائنٹس کی کم ترین سطح اور 79,355.41 پوائنٹس کی اونچائی پر رہا۔ اسی طرح نفٹی بھی 23,949.15 پر 98 پوائنٹس کے اضافے کے ساتھ کھلا اور 23,903.65 کی کم ترین سطح کو چھو گیا جبکہ سب سے زیادہ 24,099.60 تھا۔
