چنئی، لکھنؤ سپر جائنٹس نے منگل کو انڈین پریمیئر لیگ (آئی پی ایل) کے 39ویں میچ میں چنئی سپر کنگز کے خلاف ٹاس جیت کر پہلے گیند بازی کا فیصلہ کیا۔
آج یہاں کے ایم اے چدمبرم اسٹیڈیم میں لکھنؤ سپر جائنٹس کے کپتان کے ایل راہل نے ٹاس جیت کر پہلے گیند بازی کرنے کا فیصلہ کیا۔ ٹاس جیتنے کے بعد راہل نے کہا کہ کل شام یہاں اوس پڑی تھی اور دوسری اننگز میں اوس کے امکان کو دیکھتے ہوئے وہ پہلے گیند کرنا چاہتے تھے۔ راہول نے کہا کہ وہ چنئی کے بلے بازوں پر دباؤ ڈالنے کی کوشش کریں گے۔ راہل نے کہا کہ چنئی کے خلاف چنئی میں کھیلنا ایک چیلنج ہے۔ انہوں نے کہا کہ ٹیم میں کوئی تبدیلی نہیں کی گئی۔
چنئی سپر کنگز کے کپتان روتوراج گائیکواڑ نے کہا کہ وہ بھی پہلے بولنگ کرتے لیکن انہیں ٹاس جیتنے پر کام کرنا ہوگا کیونکہ وہ مسلسل ٹاس ہار رہے ہیں۔ تاہم انہوں نے کہا کہ چنئی کی پچ بھی کافی غیر متوقع رہی ہے اور وہ مزید 20-30 رنز بنانے کی کوشش کریں گے تاکہ اوس کے اثر کو کم کیا جاسکے۔ چنئی کی ٹیم میں ایک تبدیلی کی گئی ہے، ڈیرل مچل کو راچن کی جگہ شامل کیا گیا ہے۔