اسلام آباد، راولپنڈی میں کھیلی گئی دو ٹیسٹ میچوں کی سیریز میں بنگلہ دیش کے ہاتھوں پاکستان کی شرمناک شکست پر پارلیمنٹ کے دونوں ایوانوں میں ارکان نے پاکستان کرکٹ بورڈ (پی سی بی) کے چیئرمین اور وزیر داخلہ محسن نقوی کو تنقید کا نشانہ بنایا اور ان کے استعفے کا مطالبہ کیا۔ اخبار ڈان کے مطابق پارلیمنٹ کے دونوں ایوانوں کے ارکان پارلیمنٹ نے کہا کہ اس شرمناک شکست کے بعد محسن نقوی کا کرکٹ بورڈ کے سربراہ رہنے کا کوئی جواز نہیں ہے۔ اس دوران اراکین اسمبلی نے 'شرم کرو، شرم کرو' کے نعرے لگائے اور وزیر اعظم سے مطالبہ کیا کہ کسی قابل شخص کو چیئرمین پی سی بی تعینات کیا جائے۔
