نئی دہلی: عام آدمی پارٹی (اے اے پی) کے ہریانہ اسمبلی کے لئے 20 امیدواروں کی اپنی پہلی فہرست جاری کرنے کے بعد، کانگریس کے ساتھ اتحاد کی بات چیت رک گئی ہے۔ عام آدمی پارٹی کے قومی جنرل سکریٹری سندیپ پاٹھک نے آج ہریانہ اسمبلی کے لیے 20 امیدواروں کی پہلی فہرست جاری کی جس میں نارائن گڑھ سے گروپال سنگھ، کلیات سے انوراگ ڈھانڈا، پلندری سے نریندر شرما اور گھرونڈا سے جے پال شرما کو امیدوار بنایا گیا ہے۔ اس کے علاوہ آسندھ سے امندیپ زنڈلا، سمالکھا سے بٹو پہلوان، اوچنا کلاں سے پون فوجی، ڈبوالی سے کلدیپ گدرانہ، رانیہ سے ہیپی رانیا، بھیوانی سے اندو شرما، میہم سے وکاس نہرا، روہتک سے بجیندر ہوڈا، بہادرگر سے کلدیپ چکارا بیری سے بدلی رنویر گلیا، بیری سے سونو اہلاوت، مہندر گڑھ سے منیش یادو، نارنول سے رویندر مترو، بادشاہ پور سے بیر سنگھ سرپنچ، سوہنا سے دھرمیندر کھٹانہ اور بلبھ گڑھ سے رویندر فوجدار کو امیدوار بنایا گیا ہے۔ AAP ریاستی صدر سشیل گپتا نے ٹویٹر پر امیدواروں کی فہرست شیئر کرتے ہوئے عام آدمی پارٹی کے تمام امیدواروں کو دل کی گہرائیوں سے مبارکباد پیش کی ہے۔
