ماسکو: روسی فضائی دفاعی افواج نے منگل کے روز ماسکو اور برائنسک سمیت اپنے نو علاقوں میں بڑے پیمانے پر حملے کی کوشش کرنے والے 144 یوکرین ڈرون کو مار گرایا۔ وزارت دفاع نے کہا کہ 72 ڈرون برائنسک کے علاقے میں، 20 ماسکو کے علاقے میں اور 14 کرسک کے علاقے میں مار گرائے گئے۔ برائنسک کے گورنر الیگزینڈر بوگھوماز نے منگل کے روز اپنے ٹیلیگرام چینل پر کہا، "روسی وزارت دفاع کی فضائی دفاعی افواج نے برائنسک کے علاقے میں 59 یوکرائنی ڈرونز کو تباہ کر کے بڑے پیمانے پر حملے کو پسپا کر دیا ہے۔"
