لکھنؤ، سماج وادی پارٹی (ایس پی) کے صدر اکھلیش یادو نے کہا کہ بی جے پی حکومت میں گڑھے سے پاک آپریشن کے نام پر بڑے پیمانے پر بدعنوانی اور لوٹ مار ہوئی ہے۔ جمعہ کو جاری ایک بیان میں مسٹر یادو نے الزام لگایا کہ یوگی حکومت میں ترقیاتی کام ٹھپ ہو کر رہ گئے ہیں۔ بجٹ کی رقم کا غلط استعمال کیا جا رہا ہے۔ بی جے پی حکومت سات سال سے سڑکوں پر پڑے گڑھے نہیں بھر سکی ہے۔ ہر سال گڑھے سے پاک تعمیرات کے نام پر ہزاروں کروڑ روپے کا بجٹ جاری کیا جاتا ہے۔ پھر وہ لوٹا جاتا ہے۔ سڑکیں جوں کی توں رہتی ہیں۔ ریاست میں سڑکوں پر گڑھوں کی وجہ سے آئے روز حادثات ہو رہے ہیں۔ اس حکومت میں اب تک سڑکوں پر گڑھوں کی وجہ سے بہت سے لوگ مر چکے ہیں۔
