ملتان، انگلینڈ نے بدھ کو پہلے ٹیسٹ میچ کے تیسرے دن لنچ تک دو وکٹوں پر 226 رنز بنا کر اپنی پوزیشن مضبوط کر لی ہے۔ یہاں آج انگلینڈ نے کل کے اسکور ایک وکٹ پر 96 رنز سے آگے کھیل شروع کیا۔ 25ویں اوور میں شاہین شاہ آفریدی نے سنچری کی جانب گامزن جیک کراؤلی کو عامر جمال کے ہاتھوں کیچ کروا کر پویلین بھیج دیا۔ اس کے بعد بیٹنگ کے لیے آنے والے بین ڈکٹ نے جو روٹ کے ساتھ محتاط انداز میں کھیلا اور تیزی سے رنز بنائے۔ کھانے کے وقت تک دونوں بلے بازوں کے درمیان تیسری وکٹ کے لیے 119 رنز کی شراکت قائم ہوئی۔ جب کہ جو روٹ نے آہستہ اور صبر کے ساتھ بیٹنگ کرتے ہوئے 118 گیندوں میں پانچ چوکوں کی مدد سے رن (ناٹ آؤٹ 72) بنائے۔ جبکہ ان کے ساتھی بین ڈکٹ 67 گیندوں میں 10 چوکے لگا کر 80 رنز (ناٹ آؤٹ) بنانے کے بعد کریز پر موجود ہیں۔ لنچ کے وقت تک انگلینڈ نے 45 اوورز میں دو وکٹوں پر 226 رنز بنا لیے تھے۔
