نئی دہلی: مرکزی حکومت نے 10 اکتوبر کو ریاستی حکومتوں کو 1,78,173 کروڑ روپے کے ٹیکس ٹرانسفر جاری کیے جب کہ عام ماہانہ 89,086.50 کروڑ روپے کی منتقلی ہوتی ہے۔ اس میں اکتوبر 2024 میں قابل ادائیگی باقاعدہ قسط کے علاوہ ایک پیشگی قسط بھی شامل ہے۔ وزارت خزانہ نے آج یہاں ایک بیان میں کہا کہ یہ ریلیز آنے والے تہوار کے موسم کے پیش نظر ہے اور ریاستوں کو سرمایہ کاری کے اخراجات میں تیزی لانے اور ان کے ترقیاتی/فلاحی اخراجات کے لیے مالی اعانت فراہم کرنے کے لیے ہے۔
