ممبئی: مہاراشٹر حکومت نے اتوار کو سابق وزیر اور نیشنلسٹ کانگریس پارٹی کے رہنما بابا صدیقی کے اعزاز میں ریاستی آخری رسومات کا اعلان کیا، جنہیں ہفتہ کو ممبئی میں گولی مار کر ہلاک کر دیا گیا تھا۔ 2004 سے 2008 تک مہاراشٹر حکومت میں وزیر رہنے اور مہاراشٹر ہاؤسنگ اینڈ ایریا ڈیولپمنٹ اتھارٹی (ایم ایچ اے ڈی اے) کے چیئرمین کی حیثیت سے مسٹر صدیقی کی خدمات کے پیش نظر چیف منسٹر ایکناتھ شندے نے اتوار کو مکمل سرکاری اعزاز کے ساتھ ان کی آخری رسومات کا اعلان کیا۔ بابا صدیقی کو سنیچر کی رات ممبئی کے باندرہ ایسٹ علاقے میں تین بدمعاشوں نے گولی مار کر ہلاک کر دیا تھا۔
