لکھنؤ، وزیر اعلی یوگی آدتیہ ناتھ نے جمعہ کو کہا کہ اتر پردیش کو ٹریلین ڈالر کی معیشت والی ریاست بنانے کے عزم کو پورا کرنے کی کوششیں جاری ہیں اور اس میں محکموں کا رول اہم ہوگا۔ جناب یوگی نے یہاں ایک اعلیٰ سطحی میٹنگ میں تمام 10 شعبوں میں جاری کام کا جائزہ لیا۔ انہوں نے کہا کہ گزشتہ سات سالوں کی منصوبہ بند کوششوں کی بدولت آج ریاست کی معیشت اپنی بہترین حالت میں ہے۔ 2021-22 میں ریاست کی کل جی ڈی پی 16.45 لاکھ کروڑ روپے تھی، جو آج 2023-24 میں بڑھ کر 25.48 لاکھ کروڑ روپے سے زیادہ ہوگئی ہے۔ اس سال ہمارا جی ایس ڈی پی کا ہدف 32 لاکھ کروڑ روپے ہے۔ سب کے تعاون سے یہ مقصد بھی حاصل ہو جائے گا۔
