ممبئی: نیوزی لینڈ کے خلاف ٹیسٹ سیریز میں کلین سویپ کے بعد بھارتی کپتان روہت شرما نے شکست کی ذمہ داری قبول کرتے ہوئے کہا کہ وہ بطور کپتان اور بلے باز ناکام رہے اور اس شکست کو ہضم کرنا آسان نہیں۔ روہت نے کہا، "ظاہر ہے کہ ٹیسٹ اور سیریز ہارنا کبھی بھی آسان نہیں ہوتا ہے۔ ہم نے اچھی کرکٹ نہیں کھیلی اور ہم اسے قبول کرتے ہیں۔ نیوزی لینڈ نے ہم سے بہت بہتر کرکٹ کھیلی۔ ہم نے بہت سی غلطیاں کی ہیں اور ہم سب کو اسے قبول کرنا ہوگا۔
