نئی دہلی، وزیر اعلیٰ آتشی نے ہفتہ کو کہا کہ دہلی حکومت پیر سے 10,000 بس مارشلوں کی تقرری کا عمل شروع کرے گی۔ "دہلی حکومت جلد ہی لیفٹیننٹ گورنر وی کے سکسینہ کو ان کی مستقل تقرری کے لیے ایک تجویز بھیجے گی،" محترمہ آتشی نے کہا۔ میڈیا سے خطاب کرتے ہوئے وزیر اعلیٰ نے کہا، “اگلے چار ماہ تک بس مارشل اور سول ڈیفنس کے رضاکار آلودگی کے خلاف جنگ میں اپنا حصہ ڈالیں گے۔ "بس مارشل آلودگی کے ہاٹ سپاٹ کی نگرانی، کوڑا کرکٹ کو کھلے عام جلانے سے روکنے اور شکایات پر کارروائی کرنے میں اہم کردار ادا کریں گے۔" انہوں نے کہا کہ مارشلوں کے لیے پیر سے کال آؤٹ نوٹس جاری کیے جائیں گے اور وہ مختلف ڈی ایم دفاتر میں رجسٹریشن کروا سکتے ہیں۔ رجسٹریشن کے دو سے تین دن کے اندر آلودگی پر قابو پانے کی کوششوں کے لیے تعیناتی کی جائے گی۔" محترمہ آتشی نے الزام لگایا، "چار ماہ کے لیے دوبارہ بس مارشل کی تعیناتی کا فیصلہ یہ ثابت کرتا ہے کہ بی جے پی کو دہلی حکومت کے کام میں کوئی دلچسپی نہیں ہے۔ اس سے کوئی فرق نہیں پڑتا ہے کہ وہ کتنی ہی رکاوٹیں کھڑی کرنے کی کوشش کریں، آخر کار دہلی کے لوگوں کی جیت ہوتی ہے اور اروند کیجریوال کی رہنمائی میں دہلی حکومت ان کے لیے ہر رکے ہوئے منصوبے کو اسی طرح مکمل کرے گی۔
