نئی دہلی/ابوجا نائجیریا وزیر اعظم نریندر مودی کو اپنے ملک کے باوقار ایوارڈ 'دی گرینڈ کمانڈر آف دی آرڈر آف دی نائجر' سے نوازے گا۔ وزیر اعظم کے دفتر نے اتوار کو کہا کہ مسٹر مودی جو نائیجیریا کے دورے پر ہیں، کو اس نائجیرین ایوارڈ سے نوازا جائے گا۔ برطانیہ کی ملکہ الزبتھ واحد غیر ملکی شخصیت ہیں جنہیں 1969 میں اس ایوارڈ سے نوازا گیا تھا۔ یہ مسٹر مودی کو کسی ملک کی طرف سے دیا جانے والا 17 واں بین الاقوامی اعزاز ہوگا۔ قابل ذکر ہے کہ مسٹر مودی اپنے تین ملکوں کے دورے کے پہلے مرحلے میں کل نائیجیریا پہنچے تھے۔
