ممبئی، بالی ووڈ کے سنگھم اسٹار اجے دیوگن کھلاڑی کمار اکشے کمار کے ساتھ فلم بنانے جارہے ہیں اجے دیوگن اور اکشے کمار نے حال ہی میں ریلیز ہونے والی فلم ’سنگھم اگین‘ میں ایک ساتھ کام کیا ہے۔
اجے دیوگن اور اکشے کمار نئی فلم میں کام کرنے کے لیے تیار ہیں۔ اجے دیوگن اس فلم کی ہدایت کاری کریں گے جب کہ اکشے کمار مرکزی کردار ادا کریں گے اجے دیوگن نے اکشے کمار کے ساتھ اپنی اگلی فلم کا اعلان کر دیا ہے۔
اجے دیوگن نے بتایا کہ یہ وہ چیز ہے جس کا اعلان ہم بعد میں کرنے والے تھے لیکن مجھے لگتا ہے کہ یہ ایک بہترین پلیٹ فارم ہے۔ ہم پہلے ہی ایک ساتھ ایک فلم پر بات کر رہے ہیں، جس کی ہدایت کاری میں کر رہا ہوں اور اکشے اس میں مرکزی اداکار ہیں۔ اس بارے میں زیادہ کچھ بتانا قبل از وقت ہے۔
اجے دیوگن نے بطور ہدایت کار فلم 'آئی یو می اور ہم'، 'شیواے'، 'رن وے 34'، 'بھولا' بنائی ہیں۔
