ممبئی: بالی ووڈ کے معروف کردار اداکار بومن ایرانی کی ہدایت کاری میں بننے والی پہلی فلم دی مہتا بوائز کا پریمیئر 7 فروری کو ہوگا۔ پرائم ویڈیو نے آج 7 فروری کو تنقیدی طور پر سراہی جانے والی فلم دی مہتا بوائز کے پریمیئر کا اعلان کیا۔ بومن ایرانی، دانش ایرانی، وکاس بھوٹانی، اور شجاعت سوداگر نے ایرانی مووی ٹون ایل ایل پی کے بینر تلے چاک بورڈ انٹرٹینمنٹ ایل ایل پی کے اشتراک سے تیار کیا ہے، دی مہتا بوائز کو بومن ایرانی نے ڈائریکٹ کیا ہے۔ بومن ایرانی نے اس فلم کی کہانی اکیڈمی ایوارڈ یافتہ ایلکس دنیلاریس کے ساتھ لکھی ہے، اس فلم میں بومن ایرانی، اویناش تیواری، شریا چودھری اور پوجا سروپ مرکزی کردار میں نظر آئیں گے۔ مہتا بوائز کا پریمیئر خصوصی طور پر ہندی میں پرائم ویڈیو پر 7 فروری کو ہندوستان میں اور دنیا بھر کے 240 سے زیادہ ممالک اور خطوں میں ہوگا، جسے تامل، تیلگو، ملیالم اور کنڑ میں ڈب کیا جائے گا، اور متعدد زبانوں میں سب ٹائٹلز کے ساتھ ریلیز کیا جائے گا۔
