ممبئی: عالمی منڈیوں میں ملے جلے جذبات اور موجودہ مالی سال کے لیے مقامی سطح پر کمپنیوں کے تیسری سہ ماہی کے نتائج پر تشویش کے درمیان سرمایہ کاروں کی طرف سے ہمہ گیر فروخت کی وجہ سے اسٹاک مارکیٹ آج نیچے بند ہوا۔ 30 شیئرز پر مشتمل بی ایس ای کا حساس انڈیکس سینسیکس 329.92 پوائنٹس گر کر 76,190.46 پوائنٹس اور نیشنل اسٹاک ایکسچینج (این ایس ای) نفٹی 113.15 پوائنٹس کی کمی سے 23,092.20 پوائنٹس پر آگیا۔ بڑی کمپنیوں کی طرح بی ایس ای پر مڈ کیپ اور سمال کیپ کمپنیوں کے حصص میں بھی زبردست فروخت ہوئی، جس کی وجہ سے مڈ کیپ 1.60 فیصد گر کر 42,715.63 پوائنٹس اور سمال کیپ 2.23 فیصد گر کر 50,107.51 پوائنٹس پر آ گئی۔
