دبئی: جب کپتان روہت شرما کی قیادت میں ہندوستانی ٹیم اتوار کو آئی سی سی چیمپئنز ٹرافی کے ہائی وولٹیج گروپ اے کے میچ میں پاکستان کے خلاف میدان میں اترے گی تو اس کا ارادہ اپنی پچھلی شکست کا بدلہ لینے اور سیمی فائنل میں جگہ پکی کرنے کا ہوگا۔ بنگلہ دیش کے خلاف فتح کے بعد بھارتی ٹیم جوش و خروش سے بھری ہوئی ہے جب کہ پاکستان کو اپنے ابتدائی میچ میں نیوزی لینڈ کے خلاف شکست کا منہ دیکھنا پڑا اور کل کا میچ پاکستان کے لیے کرو یا مرو کی صورت حال ہو گا کیونکہ اگر وہ بھارت سے ہار جاتی ہے تو اس کے لیے ٹورنامنٹ میں آگے بڑھنا بہت مشکل ہو جائے گا۔
