نئی دہلی: کانگریس نے کہا ہے کہ بھارتیہ جنتا پارٹی (بی جے پی) حکومت صرف بیٹیوں کو تحفظ دینے کی بات کرتی ہے جبکہ سچائی یہ ہے کہ یہ پارٹی عصمت دری کے واقعات میں ملوث اپنے لوگوں کو بچانے کے لیے کام کرتی ہے۔ خواتین کانگریس صدر الکا لامبا نے منگل کو یہاں پارٹی ہیڈکوارٹر میں ایک پریس کانفرنس میں کہا کہ حکومت ہمیشہ خواتین کے خلاف مظالم سے متعلق سوالات سے بچنے کی کوشش کرتی ہے اور اپنے لوگوں پر لگے داغ کو صاف کرنے کی کوشش کرتی ہے۔ انہوں نے آسٹریلیا میں رہنے والے اور عصمت دری کے الزام میں گرفتار ایک شخص کا نام لیا اور کہا کہ ان کے پاس مسٹر مودی کے ساتھ بہت سی تصاویر ہیں۔
