گورکھپور: اتر پردیش کے وزیر اعلی یوگی آدتیہ ناتھ نے اتوار کو افسران کو شکایات کو مؤثر طریقے سے حل کرنے اور ضرورت مندوں کو انصاف فراہم کرنے کے ساتھ ساتھ فلاحی اسکیموں کے فوائد محروموں تک پہنچنے کو یقینی بنانے کی ہدایت دی۔ گورکھ ناتھ مندر میں منعقد 'جنتا درشن' میں وزیر اعلیٰ نے خود 150 سے زیادہ لوگوں کی شکایتیں سنیں۔ مہنت ڈگ وجے ناتھ اسمرتی سبھاگر کے باہر جمع بھیڑ کے درمیان جاکر انہوں نے اس بات کو یقینی بنایا کہ ہر شخص کے مسائل سنے جائیں اور عہدیداروں کو ان کے مسائل کو جلد حل کرنے کی ہدایت دی۔ 'سب کا وشواس، سب کا وکاس' سے حکومت کے عزم کا اعادہ کرتے ہوئے، انہوں نے افسران کو ہدایت دی کہ وہ شکایات کو مؤثر طریقے سے حل کریں اور ضرورت مندوں کو انصاف فراہم کریں۔ انہوں نے کہا کہ حکومت کی فلاحی اسکیمیں محروموں تک پہنچنی چاہئیں اور انہیں ترقیاتی پروگراموں سے جوڑنا چاہیے۔
