ممبئی: عالمی منڈیوں میں گراوٹ کے باوجود مقامی سطح پر صنعتوں، یوٹیلیٹیز، کیپٹل گڈز، پاور، رئیلٹی اور خدمات سمیت 17 گروپوں میں خرید کی وجہ سے اسٹاک مارکیٹ میں آج مسلسل تیسرے دن تیزی رہی۔
30 حصص پر مشتمل بی ایس ای کا حساس انڈیکس سینسیکس 147.79 پوائنٹس کے ساتھ 75,449.05 پوائنٹس اور نیشنل اسٹاک ایکسچینج (این ایس ای) نفٹی 73.30 پوائنٹس کے اضافے سے 22,907.60 پوائنٹس پر پہنچ گیا۔
تاہم بڑی کمپنیوں کے مقابلے بی ایس ای کی مڈ کیپ اور سمال کیپ کمپنیوں کے حصص میں خریداری کی رفتار تیز تھی۔ اس کی وجہ سے مڈ کیپ 2.28 فیصد بڑھ کر 41,107.00 پوائنٹس اور سمال کیپ 2.17 فیصد مضبوط ہوکر 46,009.89 پوائنٹس پر پہنچ گیا۔
اس دوران بی ایس ای پر کل 4166 کمپنیوں کے حصص کا کاروبار ہوا جن میں سے 3018 خریدے گئے جبکہ 1033 فروخت ہوئے جبکہ 115 میں کوئی تبدیلی نہیں ہوئی۔ اسی طرح 31 نفٹی کمپنیوں میں اضافہ دیکھا گیا جبکہ 19 میں کمی دیکھی گئی۔
