بنگلورو، ارجن ٹنڈولکر کی قیادت میں گوا نے ڈاکٹر (کپتان) تھمپیا میموریل ٹورنامنٹ میں میزبان کرناٹک کے خلاف نو وکٹ لے کر ایک اننگز اور 189 رنز سے بڑی جیت حاصل کی۔ اس ٹورنامنٹ کو کرناٹک اسٹیٹ کرکٹ ایسوسی ایشن (KSCA) ٹورنامنٹ کے نام سے بھی جانا جاتا ہے۔ لیجنڈری بلے باز سچن ٹنڈولکر کے بیٹے ارجن ٹنڈولکر نے اس میچ کی دونوں اننگز میں 26.3 اوورز میں 87 رنز دے کر نو وکٹیں حاصل کیں۔ ارجن نے پہلی اننگز میں 13 اوور میں 41 رن دے کر پانچ وکٹ لئے جس کے نتیجہ میں کرناٹک کی ٹیم صرف 103 رن پر سمٹ گئی۔ گوا سی اے الیون نے ابھینو تیجرانہ کی 109 رنز کی اننگز کی بدولت 413 رنز بنائے۔
