ٹوکیو: جاپانی حکومت نے شمالی کوریا کے میزائل تجربات کے خلاف شدید احتجاج درج کرایا ہے اور اس طرح کے اقدامات کو نہ صرف جاپان بلکہ پورے خطے کے لیے خطرہ قرار دیا ہے۔ جاپان کی وزارت دفاع نے بدھ کے روز کہا کہ شمالی کوریا کی جاری سرگرمیاں، بشمول میزائل لانچ، جاپان، خطے اور عالمی برادری کے امن و سلامتی کے لیے خطرہ ہیں۔ مزید یہ کہ اس طرح کے میزائل داغے جانے سے اقوام متحدہ کی سلامتی کونسل کی قراردادوں کی شقوں کی خلاف ورزی ہوتی ہے اور ہمارے شہریوں کی سلامتی کے حوالے سے سنگین مسئلہ پیدا ہوتا ہے۔
