ممبئی، جنوبی ہند کے فلموں کے سپر اسٹار اللو ارجن کی فلم 'پشپا 2 دی رول' نے ہندوستانی مارکیٹ میں مجموعی طور پر 265 کروڑ روپے کی شاندار کمائی کی ہے۔ سوکمار کی ہدایت کاری میں بننے والی فلم پشپا 2 دی رول کی خصوصی اسکریننگ 04 دسمبر کو منعقد ہوئی۔ اس فلم نے اسپیشل اسکریننگ میں مجموعی طور پر 10.1 کروڑ روپے کمائے۔ 'پشپا 2: دی رول' 05 دسمبر کو 12 ہزار سے زیادہ اسکرینز پر ریلیز ہوئی۔ یہ فلم تیلگو، ہندی، تمل، کنڑ اور ملیالم زبانوں میں ریلیز ہوئی۔ ریلیز ہوتے ہی اس فلم نے باکس آفس پر دھوم مچا دی۔ ساکنلک کی رپورٹ کے مطابق پشپا 2 دی رول نے اپنے پہلے دن 164.25 کروڑ روپے کمائے۔ فلم نے دوسرے دن تیلگو میں 27.1 کروڑ روپے، ہندی میں 55 کروڑ روپے، تامل میں 5.5 کروڑ روپے، کنڑ میں 0.6 کروڑ روپے اور ملیالم میں 1.9 کروڑ روپے کمائے ہیں۔ اس طرح فلم نے پشپا: دی رائز کے سیکوئل پشپا 2: دی رول میں 265 کروڑ کی کمائی کی ہے، اللو ارجن پشپا راج کے کردار میں واپس آگئے ہیں اور رشمیکا منڈنا سری والی کے کردار میں واپس آگئی ہیں۔ اس فلم میں فہد فاصل کا بھی اہم کردار ہے اس فلم کو Mythri Movie Makers اور Sukumar Writings نے پروڈیوس کیا ہے اور اس کا میوزک ٹی سیریز نے دیا ہے۔
