کابل، افغانستان کرکٹ بورڈ (اے سی بی) نے قومی ٹیم کے کوچ جوناتھن ٹراٹ کی مدت ملازمت میں ایک سال کی توسیع کر دی ہے۔ اے سی بی نے 2024 میں ٹیم کی کامیابی کو دیکھتے ہوئے ٹراٹ کی میعاد میں توسیع کی ہے۔ اس توسیع کے باعث ٹراٹ 2025 کے آخر تک افغانستان ٹیم کے ہیڈ کوچ رہیں گے۔ تاہم، ذاتی وجوہات کی بنا پر، ٹراٹ آئندہ زمبابوے کے دورے میں صرف ون ڈے فارمیٹ کے لیے دستیاب ہوں گے۔ ان کی غیر موجودگی میں حامد حسن ہیڈ کوچ اور نوروز منگل اسسٹنٹ کوچ کے کردار میں نظر آئیں گے۔ افغانستان کے کوچ کے طور پر ٹراٹ کا دور جولائی 2022 میں شروع ہوا تھا اور ان کے معاہدے میں جنوری 2024 تک 18 ماہ کی توسیع کی گئی تھی۔ ٹراٹ کی تقرری کے بعد افغانستان نے 34 میں سے 14 ون ڈے اور 44 میں سے 20 ٹی ٹوئنٹی جیتے ہیں۔ ٹروٹ افغانستان کے کوچ بننے سے قبل 2021 میں ہونے والے T20 ورلڈ کپ میں سکاٹ لینڈ کے مشیر تھے۔
